We Remember, We Rise, We Lead: San Rafael, Nakikiisa sa Pagsugpo sa HIV

Sa ilalim ng temang “We Remember, We Rise, We Lead!”, masigasig na isinusulong ng Lokal na Pamahalaan ng San Rafael ang kampanya para sa kamalayan at proteksyon laban sa HIV.

Layunin ng inisyatibong ito na bigyang-diin ang kahalagahan ng tamang impormasyon at responsableng desisyon upang mapangalagaan ang kalusugan ng bawat indibidwal at ng buong komunidad. Hinihikayat ng pamahalaang lokal ang mga mamamayan na maging maalam sa mga paraan ng pag-iwas sa sakit at ang kahalagahan ng paggamit ng sapat na proteksyon.

Bahagi rin ng panawagan ang pagsasagawa ng regular na HIV testing bilang hakbang sa maagang pagtuklas at tamang lunas. Ayon sa mga tagapagtaguyod ng kalusugan sa bayan, ang pagkakaroon ng wastong kaalaman ay ang pinakamabisang sandata upang wakasan ang stigma at ang pagkalat ng virus.

Binigyang-diin ng pamunuan na sa pamamagitan ng pagkakaisa at pagkilos ng bawat San Rafaeleño, mas mapalalakas ang kampanya para sa isang ligtas at malusog na bayan na malaya mula sa banta ng HIV.