MELLPI Pro 2026: PNET, Sinuri ang mga Programang Pang-nutrisyon ng San Rafael

Upang masiguro ang mataas na kalidad ng mga serbisyong pangkalusugan, matagumpay na isinagawa sa bayan ang Monitoring and Evaluation of Local Level Plan Implementation Protocol (MELLPI Pro).

Ang aktibidad ay pinangasiwaan ng lokal na Nutrition Office at masusing sinuri ng Provincial Nutrition Evaluation Team (PNET), na siyang opisyal na nangangasiwa sa pagkilatis sa performance at pagpapatupad ng mga programa sa nutrisyon ng mga lokal na pamahalaan sa buong lalawigan.

Layunin ng MELLPI Pro na tiyakin ang epektibong implementasyon ng mga planong pang-nutrisyon sa lokal na antas, matukoy ang mga aspeto na nangangailangan pa ng pagpapabuti, at makapagbigay ng mga tamang rekomendasyon para sa mas ikauunlad ng mga serbisyong ibinababa sa mga barangay.

Sa pamamagitan ng ebalwasyong ito, mas napapalakas ang koordinasyon ng mga stakeholders at mas napapahusay ang mga programa laban sa malnutrisyon. Patunay ito sa walang humpay na komitment ng Pamahalaang Bayan ng San Rafael na mapangalagaan ang kalusugan, sapat na nutrisyon, at pangkalahatang kapakanan ng buong komunidad, partikular na ang mga kabataan.