Sangguniang Bayan, Nagdaos ng Public Hearing sa Brgy. Caingin para sa Kahilingang SB Clearance

Upang bigyang-daan ang boses at opinyon ng mamamayan ukol sa mga lokal na negosyo at imprastraktura, matagumpay na nagsagawa ng isang Pampublikong Pagdinig (Public Hearing) ang Sangguniang Bayan ng San Rafael sa Barangay Caingin.

Ang pagdinig ay personal na pinangunahan ng Pangalawang Punong Bayan, Kgg. Edison "Kuya Edison" M. Veneracion, kasama ang mga kagalang-galang na Kagawad ng Sangguniang Bayan.

Isinagawa ang aktibidad na ito kaugnay sa pormal na kahilingan ni Roy Angelo Capistrano para sa pag-isyu ng Sangguniang Bayan Clearance (SB Clearance) para sa ipinatayong warehouse na matatagpuan sa Brgy. Caingin.

Sa pamamagitan ng public hearing, nabigyan ng pagkakataon ang pamunuan ng Sangguniang Bayan, ang may-ari ng establisyimento, at ang mga residente ng barangay na magkausap, masuri ang kaligtasan ng pasilidad, at matiyak na ang proyekto ay sumusunod sa mga batas at regulasyon ng pamahalaang lokal nang walang naagrabyadong mamamayan.

Binigyang-diin ni Vice Mayor Veneracion na ang ganitong mga hakbang ay mahalaga upang mapanatili ang transparent, tapat, at makataong pamamahala na nagbabalanse sa pag-unlad ng ekonomiya at sa kapakanan ng komunidad.