RHU III San Rafael, Nagpaalala sa mga Buntis Tungkol sa Ligtas na Panganganak

Nagpaalala ang Rural Health Unit III (RHU III) San Rafael sa mga buntis na hindi lahat ay maaaring manganak sa mga birthing station o lying-in clinic.

Ayon sa RHU III, mahalagang kumonsulta muna sa isang health professional upang matukoy ang angkop at ligtas na lugar ng panganganak, batay sa kalagayan ng ina at sanggol.

Binigyang-diin ng pasilidad na prayoridad ang kaligtasan ng ina at sanggol kaya hinihikayat ang mga buntis na regular na magpatingin at sumunod sa payo ng kanilang mga health professional.