Responsableng Pag-aalaga, Binigyang-diin Ngayong National Pet Day

Sa gitna ng ating mga abalang gawain, muling binigyang-pansin ng Pamahalaang Bayan ng San Rafael ang mahalagang papel na ginagampanan ng ating mga alagang hayop sa ating mga tahanan at komunidad.

Ngayong araw ay National Pet Day, ipinagdiriwang ang pagmamahal, saya, at hindi matatawarang katapatan na hatid ng ating mga alaga—maging sila man ay aso, pusa, o iba pang hayop na itinuturing na nating bahagi ng pamilya. Sila ang ating mga tapat na kaibigan at laging handang magbigay ng saya at sandigan sa ating mga simpleng araw.

Binigyang-diin ng lokal na pamahalaan na ang pagkalinga sa kanila ay hindi lamang sa pagbibigay ng sapat na pagkain at tirahan, kundi sa pagpapadama ng tunay na pagmamahal at pagtiyak sa kanilang kalusugan.