PNP San Rafael, Nagbigay ng Panayam Ukol sa Bomb Threat Awareness sa Lydia D. Villangca Trade School
- SB San Rafael
- Jul 30
- 1 min read
Upang patatagin ang kaalaman at kahandaan ng kabataan sa mga emergency situation, nagsagawa ng isang dialogue at lecture ukol sa bomb threat awareness and safety tips ang San Rafael Municipal Police Station (MPS) para sa mga mag-aaral sa Grade 12 ng Lydia D. Villangca Trade School sa Barangay Ulingao ngayong Hulyo 30, 2026.
Nagsimula ang talakayan bandang 2:00 ng hapon sa pamumuno ni PMAJ Felma Domingo, Deputy Chief of Police (DCOP), sa ilalim ng pangangasiwa ni PLTCOL Lawrence Gerald A. Bathan, Acting Chief of Police ng San Rafael MPS.
Layunin ng gawaing ito na magbigay ng sapat at mahalagang kaalaman sa mga estudyante kung paano kilalanin, respondehan, at iulat ang anumang bantang may kaugnayan sa bomba o pasabog, kasabay ng pagtuturo ng mga tamang safety protocol sa panahon ng sakuna at sakit ng ulo sa seguridad. Bukod dito, layon ding patatagin ang ugnayan sa pagitan ng pambansang pulisya at ng sektor ng edukasyon sa pamamagitan ng pagpapalakas ng kahandaan, pagiging alerto, at kooperasyon para sa isang ligtas na kapaligiran sa pag-aaral.
Comments