Pampublikong Pagdinig sa Brgy. Pinac-pinacan: Pagpapatayo ng Private Resort, Tinalakay

Bilang bahagi ng proseso ng tapat at bukas na pamamahala, nagsagawa ng isang Pampublikong Pagdinig (Public Hearing) ang Sangguniang Bayan ng San Rafael sa Barangay Pinac-pinacan.

Ang pagdinig ay pinangunahan ng ating Pangalawang Punong Bayan Kgg. Edison M. Veneracion, kasama ang Tagapangulo ng Committee on Public Works and Infrastructures na si Kgg. Nestor V. Vicho, at ang mga Kagalang-galang na Kagawad ng Sanggunian.

Pangunahing tinalakay sa pagtitipon ang kahilingan ni Gng. Marina T. Mallari para sa pag-isyu ng Sangguniang Bayan Clearance. Ito ay para sa kanyang ipinatayong Private Resort na may kabuuang sukat na 900 square meters na matatagpuan sa nasabing barangay.

Ang mga ganitong pagdinig ay mahalaga upang matiyak na ang bawat establisyimento sa ating bayan ay sumusunod sa mga itinakdang ordinansa, lalo na sa aspeto ng zoning, kalikasan, at kaligtasan ng publiko. Layunin din nito na marinig ang boses ng komunidad bago maglabas ng pinal na desisyon ang konseho.

Sa ilalim ng administrasyon nina Mayor Cipriano "Goto" Violago, Jr. at Vice Mayor Veneracion, patuloy na binibigyang-halaga ang pagbabalanse ng pag-unlad ng negosyo at ang kaayusan ng ating mga barangay.