Opisyal na Listahan ng mga Iskolar ng Bayan para sa A.Y. 2026–2027, Inilabas

Inilabas na ang opisyal na listahan ng mga benepisyaryo ng programang Iskolar ng Bayan ng Pamahalaang Bayan ng San Rafael para sa Academic Year 2026–2027.

Ayon sa anunsyo, nakatakda ang pamamahagi ng scholarship grant para sa unang semestre sa Victory Coliseum, Sampaloc, San Rafael, sa Nobyembre 15, 2026, ganap na alas-8 ng umaga.

Pinapaalalahanan ang mga iskolar na magdala ng photocopy ng kanilang school ID, anumang government-issued ID o Voter’s Certificate, gayundin ng sariling itim na bolpen.

Kinakailangan ding suotin ang Iskolar ng Bayan T-shirt sa araw ng pamamahagi. Mahigpit na ipinag-uutos ang personal na pagdalo at hindi pinahihintulutan ang kinatawan o proxy.

Para naman sa mga hindi pa nakakakuha ng kanilang Iskolar ng Bayan T-shirt, maaari itong kunin sa General Services Office (GSO), Ground Floor ng Main Building ng Municipal Hall, mula Oktubre 20 hanggang 29, 2026, Lunes hanggang Huwebes, alas-8 ng umaga hanggang alas-5 ng hapon.

Binigyang-diin sa anunsyo na ang hindi pagkuha ng scholarship grant sa itinakdang araw ay magreresulta sa pagkawala ng karapatang matanggap ito.