Ngiting San Rafaeleño: Pagsulong ng Kamalayan sa Oral Health, Binigyang-diin

Bilang bahagi ng pagtataguyod ng pangkalahatang kalusugan sa ating bayan, nakiisa si Pangalawang Punong Bayan Kgg. Edison "Kuya Edison" Veneracion sa paggunita ng World Oral Health Day.

Ang pandaigdigang pagdiriwang na ito ay naglalayong palaganapin ang kamalayan ng publiko tungkol sa kahalagahan ng wastong pangangalaga sa ngipin, bibig, at gilagid. Ayon kay Vice Mayor Edison, ang pagkakaroon ng maayos na oral health ay hindi lamang para sa magandang ngiti, kundi isang mahalagang aspeto ng kabuuang kalusugan ng bawat tao.

Nagpaabot din ng paalala ang kanyang tanggapan sa tatlong mahahalagang hakbang:

1. Regular na pagsisipilyo matapos kumain.

2. Paggamit ng dental floss upang linisin ang mga singit ng ngipin.

3. Pagbisita sa dentista para sa regular na check-up.

Katuwang sina Mayor Cipriano "Goto" Violago, Jr. at ang buong Sangguniang Bayan, patuloy na sumusuporta ang lokal na pamahalaan sa mga programang pang-kalusugan, kabilang ang mga dental mission sa mga barangay, upang matiyak na ang bawat San Rafaeleño ay may "ngiting tagumpay" at malusog na pangangatawan.