Municipal Assessor’s Office ng San Rafael, Isinailalim sa Taunang Ebalwasyon para sa Mas Mahusay na Serbisyo

Upang masiguro ang tapat, episyente, at transparent na pamamahala sa ari-arian, matagumpay na isinagawa ang 2026 Assessment Evaluation ng Provincial Assessor's Office sa tanggapan ng Municipal Assessor's Office ng bayang ito.

Ang taunang ebalwasyon ay nakatutok sa pagrepaso at pagpapatibay ng mga sistema sa larangan ng real property appraisal at assessment sa San Rafael.

Sa gitna ng pagsusuri, masusing hinalungkat ang kasalukuyang kalagayan ng mga programa, talaan, at mga inisyatibang ipinatutupad ng lokal na tanggapan. Naging mahalagang pagkakataon din ang pagtitipon upang balikan ang mga nakaraang tagumpay, tukuyin ang mga kasalukuyang hamon sa sistema, at maglatag ng mga konkretong hakbangin para sa mas mabilis at modernong operasyon ng opisina.

Ayon sa pamunuan ng bayan, ang gawaing ito ay sumasalamin sa nagkakaisang dedikasyon ng pamahalaang panlalawigan at lokal na pamahalaan na magkaloob ng patas, tumpak, at de-kalidad na serbisyo alinsunod sa mga umiiral na batas at pamantayan ng mabuting pamamahala.