Mga Programa para sa mga San Rafaeleño, Matagumpay na Naihatid Nitong Nakaraang Buwan
- SB San Rafael
- Jul 1
- 1 min read
Bilang bahagi ng kaniyang pangako ng transparency at tuluy-tuloy na pagtupad sa tungkulin, pormal na inilatag ni Punong Bayan Kgg. Cipriano "Goto" D. Violago, Jr. ang buod ng mga naging kaganapan at mga pangunahing serbisyong matagumpay na naihatid sa mamamayan nitong nagdaang buwan ng Hunyo.
Kabilang sa mga naisakatuparan ng lokal na pamahalaan sa nagdaang buwan ang iba't ibang programang nakatutok sa kalusugan, edukasyon, imprastraktura, at mga tulong-pinansyal para sa mga nangangailangang sektor sa bayan.
Ayon kay Mayor Violago, patuloy siyang magsisilbi sa abot ng kaniyang makakaya na may iisang layunin—ang makapaghatid ng mga proyektong tunay na makapagpapabuti sa kalagayan at kapakanan ng bawat pamilyang San Rafaeleño.
"Sa pamamagitan ng ating pagkakaisa, pagtutulungan, at sama-samang pagkilos, patuloy nating isusulong ang isang mas maunlad, mas maayos, at mas progresibong San Rafael para sa kapakinabangan ng lahat," pahayag ng alkalde.
Ang regular na pag-uulat na ito ng punong bayan ay patunay ng kaniyang dedikasyon na panatilihing impormado ang publiko sa kung saan napupunta ang pondo at serbisyo ng pamahalaan, tungo sa mas matatag na ugnayan ng munisipyo at ng komunidad.
Comments