Mga Kabataang Lider, Kinilala sa Boy/Girl Officials 2026 sa San Rafael, Bulacan

Isinagawa ang awarding ceremonies para sa mga kabataang naging bahagi ng Boy/Girl Officials 2026, bilang pagkilala sa kanilang husay, dedikasyon, at ipinakitang pamumuno.

Layunin ng programa na mabigyan ang mga kabataan ng pagkakataong maranasan at higit na maunawaan ang proseso ng pamamahala, serbisyo publiko, at mga responsibilidad na kaakibat ng pagiging isang lider.

Sa pamamagitan ng kanilang aktuwal na pakikilahok, nahuhubog ang mga kabataan upang maging mas responsable, aktibo, at handang gampanan ang kanilang tungkulin bilang bahagi ng komunidad.

Pinuri at binati naman ang lahat ng Boy/Girl Officials 2026 sa kanilang naging ambag at pakikibahagi sa programa. Hinikayat silang gawing inspirasyon ang kanilang karanasan upang patuloy na mapaunlad ang kanilang kakayahan sa pamumuno at paglilingkod sa kapwa.

Inaasahang magsisilbing mahalagang hakbang ang programa sa paghubog ng susunod na henerasyon ng mga kabataang lider sa San Rafael, Bulacan.