Maligayang Kaarawan, Sec. Jasper Gaspar!

Muling nagkaisa ang mga matataas na opisyal ng bayan upang ipaabot ang kanilang mainit at taos-pusong pagbati sa kaarawan ng isa sa mga pangunahing haligi ng lehislatura sa munisipyo ngayong araw.

Pinangunahan nina Punong Bayan Kgg. Cipriano "Goto" D. Violago, Jr., Pangalawang Punong Bayan Kgg. Edison M. Veneracion, at ng buong miyembro ng Sangguniang Bayan ang pagbibigay-pugay kay Jasper V. Gaspar, ang kasalukuyan at masipag na Secretary to the Sanggunian.

Kinilala ng pamahalaang bayan ang kaniyang natatanging dedikasyon, husay, at tapat na paggampan sa tungkulin bilang kalihim, na nagsisilbing mahalagang tulay sa pagbalangkas ng mga batas at ordinansang naglalayong mapabuti ang kapakanan ng buong bayan ng San Rafael.

Kasabay ng pagdiriwang na ito, hiling ng buong pamunuan para kay Sec. Jasper ang patuloy na mabuting kalusugan, kaligtasan mula sa anumang kapahamakan, at higit pang mga saganang biyaya mula sa Panginoong Maykapal upang magpatuloy ang kaniyang tapat na paglilingkod sa mamamayan.