Maging Aktibo Ngayong Bakasyon! Registration para sa Summer Sports Clinic, Bukas Na

Upang bigyang-daan ang isang produktibo at masiglang bakasyon para sa kabataan, opisyal nang inilunsad ng Pamahalaang Bayan ng San Rafael ang Summer Sports Clinic 2026.

Sa pangunguna ni Mayor Cipriano "Goto" Violago, Jr. at sa pamamagitan ng Local Youth Development Office (LYDO), ang programang ito ay naglalayong linangin ang talento, disiplina, at kumpiyansa sa sarili ng mga kabataang San Rafaeleño sa larangan ng palakasan. Bukod sa saya ng pakikipaglaro, layon din nito na itaguyod ang isang healthy at active lifestyle habang walang pasok sa eskwelahan.

Ang registration ay magsisimula na ngayong March 18 hanggang April 6, 2026. Maaaring magtungo sa LYDO Office, Teen Center (Municipal Bldg., 1st Floor) tuwing Lunes hanggang Huwebes, mula 10:00 AM hanggang 4:00 PM.

Narito ang mga kinakailangang dokumento para sa mga nais sumali:

• Katunayan ng Pagiging Residente: Dapat ay lehitimong residente at botante ng San Rafael (o ang mga magulang).

• Medical Clearance: Upang masigurong ligtas at physically fit ang bata sa mga aktibidad.

• Parent’s Consent: Kinakailangan para sa lahat ng mga kalahok na menor de edad.

  
  

Hinihikayat nina Mayor Goto at Vice Mayor Edison "Kuya Edison" Veneracion ang lahat ng mga magulang na suportahan ang kanilang mga anak sa ganitong uri ng mga programa na humuhubog sa karakter at kakayahan ng susunod na henerasyon.