Local Health Board, Bumuo ng mga Bagong Programang Pangkalusugan

Upang matiyak ang maayos na kalagayan at mabilis na serbisyong medikal para sa bawat mamamayan, matagumpay na isinagawa ang Local Health Board Meeting sa ating bayan kamakailan.

Sa nasabing pagpupulong na pinangunahan ni Punong Bayan Kgg. Cipriano "Goto" Violago, Jr., ibinahagi ng Municipal Health Office (MHO) ang mga mahahalagang datos at ulat hinggil sa kasalukuyang sitwasyong pangkalusugan ng San Rafael. Ang mga impormasyong ito ay magsisilbing basehan sa pagbuo ng mga polisiya at programa na tutugon sa pangangailangan ng bawat barangay.