Lakbay-Aral ng mga Pangulo ng Senior Citizen sa San Rafael, Matagumpay na Isinagawa

Matagumpay na isinagawa ang Lakbay-Aral ng mga Pangulo ng Senior Citizen ng San Rafael nitong Oktubre 14–16, 2026, upang madagdagan ang kanilang kaalaman tungkol sa mga programang maaaring makatulong sa kanilang kapwa nakatatanda.

Sa pamamagitan ng aktibidad, nagkaroon ang mga kalahok ng pagkakataong matuto ng mga bagong kaalaman at programang maaari nilang maisabuhay at maibahagi sa mga senior citizen sa kani-kanilang komunidad.

Nagpaabot naman ng pasasalamat ang mga tagapagtaguyod ng programa kay Mayor Cipriano D. Violago, Jr., Vice Mayor Edison M. Veneracion, at sa mga miyembro ng Sangguniang Bayan sa kanilang suporta at pakikiisa na naging bahagi ng matagumpay na pagsasagawa ng Lakbay-Aral.