Ika-11 Pangkaraniwang Pagpupulong ng Sangguniang Bayan, Matagumpay na Idinaos

Upang patuloy na makabuo ng mga batas at polisiyang makatutulong sa bawat mamamayan, matagumpay na isinagawa ang Ika-11 Pangkaraniwang Pagpupulong ng Sangguniang Bayan ng San Rafael noong ika-16 ng Marso, 2026.

Ang pagpupulong ay ginanap sa Bulwagan ng Sangguniang Bayan sa ilalim ng pamumuno ni Pangalawang Punong Bayan Kgg. Edison "Kuya Edison" Veneracion. Katuwang sa nasabing sesyon ang mga kagalang-galang na Kagawad ng Sangguniang Bayan at ang mga dedikadong staff ng lehislatura.

Sa naturang pagpupulong, tinalakay ang iba’t ibang mahahalagang agenda kabilang ang mga mungkahing ordinansa at resolusyon na naglalayong mas mapabuti ang serbisyo-publiko sa bayan. Binigyang-diin ni Vice Mayor Edison ang kahalagahan ng pagkakaisa at masusing pag-aaral sa bawat batas upang matiyak na ito ay kapaki-pakinabang para sa lahat ng San Rafaeleño.

Ang aktibidad na ito ay bahagi ng tapat at maayos na pamumuno nina Mayor Cipriano "Goto" Violago, Jr. at Vice Mayor Edison Veneracion, kung saan ang boses ng bawat barangay ay kinakatawan sa pamamagitan ng masiglang diskurso sa loob ng konseho.

Inaasahan na ang mga napagkasunduan sa sesyong ito ay magbubunga ng mga konkretong aksyon na direktang mararamdaman ng ating mga kababayan sa mga susunod na araw.