Farmer Field School on Bantay Peste, Sinimulan sa Pansumaloc

Sinimulan ang Farmer Field School (FFS) on Bantay Peste sa Barangay Pansumaloc upang turuan ang mga magsasaka sa tamang pagkilala at pamamahala ng mga peste at sakit sa palayan.

Sa unang pagpupulong ng programa, tinalakay ang kahalagahan ng pagtukoy sa mga insektong tunay na nakapipinsala sa pananim at mga insektong kapaki-pakinabang sa palayan.

Layunin din ng FFS na ituro sa mga magsasaka ang wastong pamamaraan ng pagkontrol sa mga peste at sakit upang maprotektahan ang kanilang pananim at mapanatili ang produktibidad ng palayan.

Isinasagawa ang programa sa koordinasyon ng Municipal Agriculture Office of San Rafael, Provincial Agriculture Office of Bulacan, at Regional Crop Protection Center.

Bahagi ang programa ng mga hakbang upang maisulong ang ligtas at wastong crop protection at matulungan ang mga magsasaka na mapataas ang produksyon at kita.

Inaasahang magbibigay ang FFS ng praktikal na kaalaman na maaaring gamitin ng mga magsasaka sa kanilang mga palayan, lalo na sa maagang pagtukoy at tamang pamamahala ng mga peste.