Engineering Office, Pinamunuan ang Lingguhang Flag Raising Ceremony sa San Rafael

Upang mas patatagin ang seguridad at ugnayan sa komunidad, pormal na binisita ni PCOL Jay B. Baybayan, ang Provincial Director ng Bulacan Police Provincial Office, ang Pamahalaang Bayan ng San Rafael nitong Lunes, ika-22 ng Hunyo, 2026.

Kasabay ng Lingguhang Pagtataas ng Watawat, nagsagawa ng isang courtesy call si PCOL Baybayan kay Punong Bayan Kgg. Cipriano "Goto" D. Violago, Jr. Ang hakbang na ito ay naglalayong mas mapatibay pa ang kooperasyon sa pagitan ng lokal na pamahalaan at ng kapulisan upang masiguro ang kapayapaan, kaayusan, at kaligtasan ng mga mamamayan sa buong bayan.

Samantala, ang lingguhang palatuntunan para sa pagpapakita ng paggalang sa watawat ng Pilipinas at pagmamahal sa bayan ay matagumpay na pinangunahan ng Municipal Engineering Office sa ilalim ng pamumuno ni Engr. Romualdo B. De Castro.

Ayon sa lokal na pamahalaan, ang patuloy na pagbisita ng mga matataas na opisyal ng kapulisan at ang regular na pagkakaisa ng mga kawani ay bahagi ng adhikain ng administrasyon na isabuhay ang disiplina at malasakit tungo sa isang mas maunlad, ligtas, at masiglang San Rafael.