Araw ng Kagitingan 2026: Pamahalaang Bayan, Nagpugay sa mga Bayani ng Lahi

Kasabay ng buong bansa, nakiisa ang Pamahalaang Bayan ng San Rafael sa paggunita ng Araw ng Kagitingan ngayong ika-9 ng Abril, 2026. Ang araw na ito ay inilaan upang bigyang-pugay ang hindi matatawarang tapang at sakripisyo ng mga Pilipinong sundalo na lumaban para sa kalayaan noong Ikalawang Digmaang Pandaigdig.

Bilang pagtalima sa holiday, ipinabatid nina Punong Bayan Kgg. Cipriano "Goto" Violago, Jr. at Pangalawang Punong Bayan Kgg. Edison "Kuya Edison" Veneracion ang suspensyon ng pasok sa lahat ng mga tanggapan ng Pamahalaang Bayan ngayong araw.

Gayunpaman, upang matiyak na hindi mapuputol ang serbisyong medikal para sa mga nangangailangan, mananatiling bukas at operational ang RHU III (Birthing Station). Ang hakbang na ito ay upang masiguro ang kaligtasan ng mga ina at sanggol na nangangailangan ng agarang atensyon sa gitna ng pagdiriwang.