Payout ng Special Program for Employment of Students, Matagumpay na Naisagawa

Bilang bahagi ng patuloy na pag-alalay sa sektor ng edukasyon at kabataan, personal na pinangunahan ni Punong Bayan Kgg. Cipriano "Goto" D. Violago, Jr. ang pamamahagi ng sweldo o payout para sa mga kabataang naging bahagi ng Special Program for Employment of Students (SPES) sa bayan.

Dumalo rin sa naturang aktibidad ang iba pang mga pinuno at kawani ng lokal na pamahalaan upang saksihan ang pamamahagi ng tulong-pinansyal sa mga kwalipikadong mag-aaral.

Ang matagumpay na implementasyon ng programa ay naisakatuparan sa pamamagitan ng masigasig na pagpupursigi ng Public Employment Service Office (PESO) San Rafael, sa ilalim ng masugid na pangangasiwa ni PESO Officer Ma’am Reela I. Tuazon.

Pangunahing layunin ng programang SPES na mabigyan ng pansamantalang hanapbuhay ang mga susing kabataang mag-aaral tuwing bakasyon o habang nag-aaral. Sa pamamagitan nito, nagkakaroon sila ng kakayahang matustusan ang kanilang matrikula, mga kagamitan sa eskwela, at iba pang pang-araw-araw na pangangailangan ng kanilang pamilya.

Ayon sa lokal na pamahalaan, ang hakbang na ito ay malinaw na patunay ng seryosong adbokasiya ng administrasyong Violago na hindi lamang mag-abot ng perang tulong, kundi magkaloob din ng aktwal na karanasan sa pagtatrabaho (work experience) na magagamit ng mga kabataang San Rafaeleño sa kanilang pagharap sa totoong buhay at hinaharap.