2nd Quarter Joint MPOC at MADAC Meeting ng San Rafael, Kasalukuyang Nagaganap

Kasalukuyang nagaganap ngayon ang mahalagang 2nd Quarter Joint Municipal Peace and Order Council (MPOC) cum Municipal Anti-Drug Abuse Council (MADAC) Meeting ng Pamahalaang Bayan para sa Kasalukuyang Taon (FY 2026).

Ang joint meeting ay pinangungunahan mismo ni Punong Bayan Kgg. Cipriano "Goto" D. Violago, Jr., bilang Tagapangulo ng parehong konseho.

Pangunahing nakasalang sa mesa ngayon ang pagbalangkas ng mga mas pinalakas na estratehiya para sa mga sumusunod:

• Peace and Order Plan: Pagpapanatili ng katahimikan at kaayusan sa buong nasasakupan ng San Rafael.

• Anti-Drug Campaign: Pagsusuri sa estado ng mga barangay at pagpapatibay ng mga programa ng MADAC upang tuluyang masugpo ang ilegal na droga.

• Kaligtasan ng Publiko: Masidhing koordinasyon ng bawat ahensya para sa mas mabilis na pagresponde sa anumang insidente o sakuna.

  
  

Layunin ng pagpupulong na ito na mapatibay ang ugnayan ng bawat sangay ng lokal na pamahalaan at seguridad upang masiguro na nananatiling ligtas, payapa, at protektado ang bawat pamilyang San Rafaeleño.