Tanggapan ni Mayor Goto Violago, Laging Bukas sa mga San Rafaeleño

Binigyang-diin ni Punong Bayan Kgg. Cipriano "Goto" D. Violago, Jr. na nananatiling bukas ang kaniyang tanggapan sa Tanggapan ng Punong Bayan upang pakinggan ang mga boses, mungkahi, at pangangailangan ng bawat San Rafaeleño.

Ayon sa Punong Bayan, malugod nilang tinatanggap ang mga kababayang nagtutungo sa munisipyo upang humingi ng tulong, magbahagi ng mga mungkahi, at magsumite ng mga panukalang programa na makatutulong sa patuloy na pag-unlad ng bayan.

Nagpaabot din ng taos-pusong pasasalamat si Mayor Violago sa mamamayan para sa kanilang patuloy na pagtitiwala. Aniya, ang bawat pagbisita, opinyon, at mungkahi mula sa komunidad ay mahalagang gabay sa pagbuo ng mas maayos, makatao, at makabuluhang serbisyo publiko.

Ang inisyatibong ito ng pinto-pinto at bukas na pamamahala ay patuloy na isinusulong ng ehekutibo, katuwang ang Sangguniang Bayan sa pamumuno ni Pangalawang Punong Bayan Kgg. Edison "Kuya Edison" M. Veneracion.

Sa pamamagitan ng pagkakaisa, transparent na komunikasyon, at aktibong pakikilahok ng mga mamamayan, tiniyak ng pamahalaang lokal na mas mapagtitibay pa ang tapat na serbisyo para sa mas maunlad at maaasahang San Rafael.